Chocolate Marble Bread
Source: Pain de Yumi 朱古力餡： （前一晚預備） A.高筋麵粉 35g B.粟粉 10g C.牛奶 80g D.可可粉 15g E.細砂糖 35g F.朱古力 50g G.無鹽牛油 30g 蛋白 1 隻 做法: A-E 放在鍋內攪勻，加入F+G，開小火一邊攪 一邊煮至F+G溶化，成一鍋細滑的朱古力糊。然後加入蛋白，小火一邊煮 一邊攪（以防痴底）朱古力糊會慢慢變乾身（沒有流動性）。然後鋪平在牛油紙上，蓋成平均的長方形，包好入雪櫃備用。 麵團： （前一晚預備） 高筋麵粉 270g 乾酵母 3g 奶粉 15g 牛奶 150g 雞蛋 1 個（如果雞蛋較大，牛奶要減10g) 細砂糖 25g 鹽 3g 無鹽牛油 20g 麵包機搓： 機搓10分鐘成團後，加入無鹽牛油再搓10分鐘至出膜。 手搓： ＞牛奶130g(抽起20g搓團時慢慢加入）+乾酵母，靜置5分鐘。其他材料除無鹽牛油放於大碗內。 ＞酵母奶加入所有材料，用筷子略略攪成一球，太乾可開始少少地加入牛奶。 ＞取出開始搓揉，其間慢慢加入抽起的牛奶（如果太濕 頂唔順 唔加/加唔哂都可以）此為麵團微微偏濕，好好搓。 ＞手搓10分鐘，起粗膜，加入無鹽牛油再搓出薄膜（總搓團時間請保持20分鐘內） ＞成團後放雪櫃低溫發酵一晚（8-14小時） （原食譜係直接放雪箱雪30分鐘，只做一次發酵，但我想軟熟啲，所以做夠兩次發酵 第一次為低溫發酵，隔日食都唔硬） 以下請在枱面洒上麵粉（防沾），但摺疊前請先掃走麵團上的防沾粉 ＞第二朝取出麵團，排氣碌平（如太軟可包好放雪箱靜置 15分鐘），靜置後碌成大長方型，取出雪好的朱古力餡放在中間，包好！ ＞包好後左右各摺一摺，然後對摺。包好放雪箱鬆弛 15分鐘。 ＞取出，碌成長方形，兩邊向中間摺成長方形（看圖），包好放雪箱鬆弛 15分鐘。 ＞（剛才已完成 4x3次摺疊），碌平成大長方形，分八份成八條長條，然後兩條兩條痴埋一齊，成四條粗長條 四手辮： 第4條搭第2條 第1條搭第3條 第2條搭第4條 嫌煩直接三手辮一樣得 ＞頭尾向下摺一摺，放入450g吐司 ＞做發酵（溫度不過30度） 發好耐咖，我發左兩個鐘 ＞發好上蓋，預熱焗爐180度 焗45分鐘。 焗好大力撻一撻，脫模 放涼 即可享用 請唔好為慳時間唔放雪櫃！（會溶到周圍都係） 後尾四手辮部份可自由創作，花紋效果會唔同～ 發酵時間會比較耐，